करि रे हरिच्या जागरणा

करि रे हरिच्या जागरणा ।

मनुजा, हरिच्या जागरणा ॥धृ॥

दुष्कर्मांची चाले चलती ।

सत्कर्मांना साथ कमी किती ।

कलिच्या ओळख खुणा । मनुजा ॥१॥

हरिच्या जागरणा..

देव दूर किती अभक्त नेती ।

लोभे मोहे दुःखी पडती ।

कलिच्या ओळख खुणा । मनुजा ॥२॥

हरिच्या जागरणा..

काळ न हाती, बुद्धी न हाती ।

टिकेल का ती नसे शाश्वती ।

कलिच्या ओळख खुणा । मनुजा ॥३॥

हरिच्या जागरणा..

देवजागृती हीच एक गति ।

दीन म्हणे ती धरि रे हाती ।

कलिच्या जाणुन खुणा । मनुजा ॥४॥

हरिच्या जागरणा..