श्री ज्ञानेश्वरी नवव्या अध्यायाची आरती

जय जय ज्ञानेश्वरी नवव्या अध्याया ।

देशी मार्ग सर्वा देव मिळवाया ॥ जय देव जय देव ॥धृ॥

अठरा अध्यायांत गीतार्थ आला ।

नवव्यामध्ये देव सर्वांचा झाला ।

सामान्यांचे प्रेमहि आहे देवाला ।

पापी अज्ञ जीवा आश्वासन झाला ॥१॥ जय देव..

ज्ञान भक्ती योग संन्यास आले ।

आदर राखुनि वेदा स्थान दाविले ।

सोपे नाम, कीर्तन महिमे गाईले ।

कर्ममार्गे कैसे चालावे भले ॥२॥ जय देव...

देवाला आवडे फळफूलपान ।

पाणी चाले, श्रेष्ठ भाव त्याहून ।

वडीलकीला लागे भक्तीचे ज्ञान ।

माऊलींचे जीवन त्याला प्रमाण ॥३॥ जय देव...

देव अकर्ता हा काय विचार ।

विपरित ज्ञान, भक्ती त्याज्य प्रकार ।

कोण्या रीती खरा देव मिळणार ।

रहस्य कळुनी दीना आनंद फार ॥४॥ जय देव...