गुरुपदाची आरती

जय देव जय देव जय श्री गुरुपदा ।

अनंतरूपे प्रकटुनि उद्धरिशी जगता ॥धृ॥

चार खाणींमध्ये जीव जन्मले ।

वासनायोगाने इहलोकी भ्रमले ।

स्वस्वरुपा विसरोनी देहमय झाले ।

जिज्ञासारूपाने तू जागृत केले ॥१॥

कोठुनि आला जीव ओळख तू देशी ।

जगी जगावे कैसे ते तू बोधीशी ।

कोठे जाणे जीवा ध्येय दावीशी ।

सार्थक जीवनाचे साधुनिया देशी ॥२॥

जेथे अडला जीव सावरण्या येशी ।

हाक देती आर्त तू प्रकट होशी ।

धर्म ना, पंथ ना, भेद ठेवीशी ।

छत्र आभाळापरि सर्वांवरि धरिशी ॥३॥

संत सत्पुरुष अन् अगणित अवतार ।

आजहि नाना रूपे घेशी आकार ।

वर्णन करण्या देवा तुमचे उपकार ।

दीना पडते अपुरे शब्दभांडार ॥४॥