उठा उठा रे लवकरी

उठा उठा रे लवकरी,

सत्वर यावे शुद्धीवरी ।

उघडा कपाटें अंतरी,

ज्ञानदृष्टी अवलोका ॥धृ॥

आले आहे विघ्न भारी,

काळ टपला तुम्हांवरी ।

नित्य करीताहे चोरी,

आयुष्याची तुमच्या ॥१॥

सरला चौऱ्यांशी तम,

नरतनु आलि अनुक्रम ।

इचा मानूनी संभ्रम,

ज्ञानदृष्टी उघडा रे ॥२॥

सद्गुरुवचनाचा उदय,

प्रकाश जाला भानूदय ।

जागे व्हा रे मनोमय,

स्वरूप पहा आपुले ॥३॥

वाचे घ्या रे रामनाम,

निरंजन सांगे उत्तम ।

तुमचा हरेल भवभ्रम,

निर्भय व्हाल अंतरी ॥४॥