शक्तिबुद्धिधनधीरबळे कुणि

शक्तिबुद्धिधनधीरबळे कुणि

कशावरी जगतो ।

आम्ही नामबळे चालतो,

जगतो, नामबळे बोलतो ॥धृ॥

कर्तृत्वाने नमविति विश्वा,

‘मी’ न नमविता येतो ।

तोच न उरतो नामबळे अम्ही,

जग पुसुनी टाकतो, लीलया ॥१॥

देहसुखाचे घडण्या प्राणी

रात्रंदिन राबतो ।

प्रारब्धावरि देह टाकुनी,

नामबळे हासतो, राहतो ॥२॥

नामचि खातो, नाम प्राशितो

नामावर जगतो ।

दीन म्हणे अम्ही नामकृपेने,

सार्थकही साधितो, जिवाचे ॥३॥