मी नाही पाहिला, मी नाही देखिला

श्री ब्रह्मचैतन्यासारिखा नाही पाहिला ।

मी नाही पाहिला । मी नाही देखिला ॥१॥

मी बहुत वाचियेले ।

मी बहुत ऐकियेले ।

मी बहुत धुंडियेले ।

ऐसा नाही पाहिला ॥२॥

तो मुलांमध्ये असे ।

तो स्त्रियांमध्ये बैसे ।

पण ऐसा निर्विकारी ।

जगी मी नाही पाहिला ॥३॥

तो माया मोह पाळी ।

काय करतील लेकुरवाळी ।

पण कामक्रोधा जाळी ।

ऐसा नाही पाहिला ॥४॥

काही नसे त्याचे घरी ।

पण कुबेर लोळे दारी ।

तो वाटेल तेचि करी ।

ऐसा नाही पाहिला ॥५॥

तो म्हणवी अज्ञानी ।

पण ज्ञानियांचा ज्ञानी ।

तो वेदगूढ जाणी ।

ऐसा नाही पाहिला ॥६॥

तो ज्यासी म्हणे घर ।

तेथे मोकळा दरबार ।

पण नांदे रघुवीर ।

ऐसा नाही पाहिला ॥७॥

जो जाई एकवार ।

तो विसरे घरदार ।

त्यासी देई नामसार ।

ऐसा नाही पाहिला ॥८॥

तो गोंदावलेकर ।

त्याचे पायी मुक्ती चार ।

दासदासाचे माहेर ।

ऐसा नाही पाहिला ॥९॥