रहस्य जे जाणती तयांनी

रहस्य जे जाणती तयांनी ओळखिले गुरुस ।

धन्य धन्य ते शिष्य

जयांनी ओळखिले गुरुस ॥धृ॥

पूर्णब्रह्म कधि कृपाळूपणे ।

धरिते आकृतिस ॥१॥

अपुल्या परि जरि देह दिसे तरि ।

ईश्वर हा खास ॥२॥

बाह्य वागणे सामान्यांसम ।

देश तसा वेश ॥३॥

मुक्त असोनि सांभाळिति किति ।

बाह्य बंधनास ॥४॥

बद्ध जागविति, आणिक देती ।

गती साधकास ॥५॥

अतर्क्य लीला खेळ मांडिला ।

गूढ देहबुद्धीस ॥६॥

बुद्धिभेद टाळून शिष्यवर ।

जाणति स्वरूपास ॥७॥

गुरुआज्ञा हे एकच साधन ।

पळ न विकल्पास ॥८॥

दीन लीन अति ब्रह्मानंदी ।

अभेद जे गुरुस ॥९॥