गुरुची कृपा कधी कळेल

गुरुची कृपा कधी कळेल,

मजला कृपा कशी कळेल

किती, कुठे सांभाळितो कळेल,

गुरुची कृपा कधी कळेल ? ॥धृ॥

अभिमान मज देहाचा,

थाट पहा माझ्या बुद्धीचा

दिली कोणी कसे कळेल,

गुरुची कृपा कधी कळेल ? ॥१॥

घरदार माझे पाही,

मिळकतीचा हेवा होई

कोणी सारे दिले कळेल,

गुरुची कृपा कधी कळेल ? ॥२॥

पती पत्नी मुले बाळे,

मित्र गोत्र सारे सोहळे

कोण टिकवितो कळेल,

गुरुची कृपा कधी कळेल ? ॥३॥

येण्याआधी विघ्ने निवारी,

सावरितो आल्यावरी

मज हे कधी कळेल,

गुरुची कृपा कधी कळेल ? ॥४॥

उद्धाराची चिंता वाही,

कल्याणाची दिशा देई

कोण माझ्यासाठी कळेल,

गुरुची कृपा कधी कळेल ? ॥५॥

दीन म्हणे गुरुराया,

तूचि होशी छत्रछाया

कळले, हे कसे टिकेल,

गुरुची कृपा कधी कळेल ? ॥६॥