सांभाळ किती करणार, अमुचा

सांभाळ किती करणार, अमुचा ॥धृ॥

नाव जाणे ना तुमचे ।

काय नाते तुमचे त्याचे ॥

पदोपदी अशा कितीका,

जन्मोजन्मी राखणार ! ॥१॥

तुम्हा ओळखती जे जे ।

येती भेटी कामकाजे ॥

हिंगजिऱ्याचे ग्राहक,

तरी तुम्ही जपणार ! ॥२॥

जे जे म्हणती आम्ही तुमचे ।

तरी होती क्षणि जगाचे ॥

कधी नाही बोल त्यांना,

ना कंटाळा करणार ! ॥३॥

शुद्धपणे वचनी तुमचे ।

मार्ग चालती नामाचे ॥

अंतर्बाह्य पोटी त्यांना,

आनंदुनी धरणार ! ॥४॥

इतुक्या जना उद्धरीता ।

कसे उपेक्षाल आम्हा आर्ता ॥

दीन म्हणे असो तसे ,

तुमचे पायी राहणार ! ॥५॥

सांभाळ तुम्ही करणार, खचितचि ॥

सांभाळ तुम्ही करणार, अमुचा ॥