दोन स्वधर्म

( स्वधर्म जाणून कर्मे करणे हा

सामन्यांच्या मुक्तीचा सोपा मार्ग आहे.

त्याचे शिक्षण निसर्गातून घेता येते व

स्वत:चे स्वधर्मरूप कर्मही ठरवता येते.

त्यासाठी खालील दोन श्लोक चिंतनास

उपयोगी पडू शकतील. )

सृष्टीतील स्वधर्म

होते सकाळ नियमे सृष्टीत रोज ।

तो चंद्रसूर्य नियमे करी कामकाज ।।

पाणी तहान शमवी, दे झाड छाया ।

जो तो स्वधर्म जपतो झिजवीत काया ।।

मानवी स्वधर्म

मी भागताही गरजा, नच दे दुज्याला ।

माझे हवेपण किती, नच अंत त्याला ।।

आता तरी समजुनी, शिकु दे स्वधर्म ।

त्यागात शांति वसते, जाणून वर्म ।।