श्री विश्वनाथ महाराजांची आरती

नामनिष्ठ, गुरुनिष्ठ माउली, विश्वनाथ माउली ।

जय जय विश्वनाथ माउली ॥धृ॥

डव्ह्यात शेतीमजूरी केली ।

कष्ट करित प्रारब्धे सरली ।

सर्पदंश आपत्ती आली ।

अपमृत्यूचे निमित्त करूनी, नाथकृपा प्रकटली ॥१॥

श्री गुरुनंगेनाथ सावली ।

तीव्र तपाला छत्र लाभली ।

निष्ठा पुरती शुद्ध जाहली ।

तुकाराम गुरुकृपे जाहले, विश्वनाथ माउली ॥२॥

योगभक्ति शुद्धीस पाळुनी ।

दूर द्वैतदंभास सारुनी ।

खर्‍या भक्तिची ओळख घडवुनि ।

दीनजिवांना डव्हा पंढरी, भूवरती झाली ॥३॥