श्री स्वामी निरंजन रघुनाथ यांची आरती

आरती, स्वामी निरंजन रघुनाथा ।

भावे चरणी ठेविला माथा ॥धृ॥

संसारी असता सुखदुःखा अनुभवले ।

जनस्वभाव स्वार्थी, मायेला मन विटले ।

मग दत्तदर्शना प्राणपणा लावियले ।

तुकयांना स्मरुनी प्रस्थाना ठेवियले ॥१॥

रघुनाथ सद्गुरू प्रसन्न तुम्हा झाले ।

आशीर्वच तैसे कवित्व तुम्हा दिधले ।

तुम्ही प्राण अर्पिता दत्तप्रभू प्रगटले ।

गिरनारी जीवन धन्य आपुले झाले ॥२॥

वैराग्या जपुनी शिष्यांसाठी झटले ।

अनुभवा, अभंगा, ज्ञाना अक्षर केले ।

गुरुमार्ग, भक्तिच्या विपुल प्रसादा दिधले ।

स्वामींच्या स्मरणी दीन जीव उद्धरले ॥३॥