सृष्टीची आरती

सृष्टीमाय तुजला आम्ही ओवाळू आरती । तुजला ओवाळू आरती ।

संदेशांचे चिंतन घडण्या देई शुद्ध मती॥धृ॥

सूक्ष्मरूप तो देव तुझ्यातुन प्रगटे या जगती । वाटे प्रगटे या जगती।

पर्वत झाडे वेली पुष्पे मनोगते गाती ॥

रुजोत त्यातिल अधोरेखिते जनीमनीचित्ती । अमुच्या जनीमनीचित्ती।

संदेशांचे चिंतन घडण्या देई शुद्ध मती ॥१॥

निसर्ग तू तो, तूच प्रकृती एकरूप होशी । अवघे एकरूप होशी ।

तुजला कळते वळते ते ते कळु दे आम्हांसी॥

संवादातुन बोध घेउनी होऊ दे प्रगती । आमुची होऊ दे प्रगती ।

संदेशांचे चिंतन घडण्या देई शुद्ध मती॥२॥