अजब ही परमार्थाची तऱ्हा

अजब ही परमार्थाची तऱ्हा

आमुच्या परमार्थाची तऱ्हा,

अजब ही परमार्थाची तऱ्हा ॥धृ॥

अपुरे पडता घर वाढवितो ।

सुखसोयींनी सदा सजवितो ।

परि घराचा मालक वाटे, कोनाड्यात बरा ! ॥१॥

देव मानतो, जगी सांगतो ।

जनी जनार्दन, सदा घोकतो ।

मनासारखा वागे माणुस, वाटे तोच खरा ! ॥२॥

भाव पाहिजे भक्तीसाठी ।

उपचारांची न लगे दाटी ।

भव्यदिव्य पूजा कुठे पाहता, हेवा आणी घरा ! ॥३॥

आपुल्यापाशी सारे दडले ।

मर्म हुडकण्या जिणे लाभले ।

उठाठेवि करी उगा जगाच्या, दीना सावध करा ! ॥४॥