हेचि माझे तप हेचि माझे दान

हेचि माझे तप हेचि माझे दान ।

हेचि अनुष्ठान नाम तुझे ॥१॥

हेचि माझे तीर्थ हेचि माझे व्रत ।

सत्य हे सुकृत नाम तुझे ॥२॥

हाचि माझा धर्म हेचि माझे कर्म ।

हाचि नित्यनेम नाम तुझे ॥३॥

हाचि माझा योग हाचि माझा यज्ञ ।

हेचि जपध्यान नाम तुझे ॥४॥

हेचि माझे ज्ञान श्रवण मनन ।

हेचि निजध्यासन नाम तुझे ॥५॥

हाचि कुळाचार हाचि कुळधर्म।

हाचि नित्यनेम नाम तुझे ॥६॥

हा माझा आचार हा माझा विचार ।

हा माझा निर्धार नाम तुझे ॥७॥

तुका म्हणे दुजे सांगायासी नाही ।

नामेवीण काही धनवित्त ॥८॥