कृपाष्टक

आला देह मनुष्याचा

लाभ पहिला जगी असे ।

जाणवे, कळता आता,

कृपा ही केवढी असे ! ।।१।। 

दुसरे विचारसामर्थ्य,

कल्पनेचे किती तसे ।

जाणवे, कळता आता,

कृपा ही केवढी असे ! ।।२।। 

तिसरे सामर्थ्य जे विविध

संबंधांतून येतसे ।

जाणवे, कळता आता,

कृपा ही केवढी असे ! ।।३।। 

चौथे अन्न तसे पाणी

सृष्टी देई अपूर्वसे ।

जाणवे, कळता आता,

कृपा ही केवढी असे ! ।।४।। 

पाचवी कर्मशक्ती जी

प्रवास घडवीतसे ।

जाणवे, कळता आता,

कृपा ही केवढी असे ! ।।५।। 

सहावा ध्येयमूल्यांचा

सगुणी देव हा असे ।

जाणवे, कळता आता,

कृपा ही केवढी असे ! ।।६।। 

सातवी ओळख देवाची

सर्वत्र भरला असे ।

जाणवे, कळता आता,

कृपा ही केवढी असे ! ।।७।। 

आठवी सद्गुरुप्राप्ती,

नाम दिव्य मिळे तसे ।

जाणवे, कळता आता,

कृपा ही केवढी असे ! ।।८।। 

श्री सद्गुरुनाथ महाराज की जय ।