श्री नानामहाराज तराणेकर यांची आरती

सद्भावे श्री गुरुनानांसी ओवाळू आरती ।

ज्ञानभक्तियोगाची उजळू सगुण प्रेममूर्ती ॥धृ॥

जयजय ओवाळू आरती..

संपादुन अकराव्या वर्षी वेदशास्त्र गहन ।

मग गुरुप्राप्तीसाठी केले तीव्र अनुष्ठान ।

टेंब्येस्वामी प्रकट जाहले तीव्र तपा पाहुन ।

मंत्र आणि उपदेशा देती तराण्यास येऊन ॥१॥

अंतर्योगी राहुनि धरिती बाह्य सौम्य भावा ।

सर्वांसाठी सुलभ मार्ग जो दत्त दत्त गावा ।

भेद न करिता सर्वां देता आज भक्तिमेवा ।

दीनजनांना चरणी नाना ठाव नित्य द्यावा ॥२॥