श्री मामासाहेबांची आरती

दांडेकर कुलभूषण मामा, घ्यावे दंडवता ।

विठ्ठलपायी मन राहू दे, इतुके द्या भक्ता ॥धृ॥

जोगबुवांच्या निःस्पृहतेची प्रतिमूर्ती तुम्ही ।

व्यासंगाचा पाया दिधला भक्तीला तुम्ही ॥

ब्रह्मचर्य, वैराग्यामध्ये सूर्यासम होता ।

अज्ञ, शरण जीवांना शीतल चंद्रासम होता ॥१॥

पाश्चिमात्य ज्ञानाचा संगम पूर्वेशी केला ।

ढोंगिजनांना जरब बसवुनी, सात्त्विक मार्ग दिला ॥

विद्यार्थी अन् वारकर्‍यांचे नित आश्रयदाता ।

दीनजनांना प्रेरक जीवन शाश्वत जे आता ॥२॥