श्री सिद्धारूढस्वामींची आरती

जय जय सिद्धारूढस्वामी, जय शिवअवतारा ।

नित्य, निरंजन, अभेद असुनी, आरति स्वीकारा ॥धृ॥

श्री शंभूंनी दुष्ट नाशिले, अवतरुनी बहुत ।

देवसज्जना रक्षण दिधले, त्या त्या काळात ।

या अवतारी नाश न करिता, पालटता चित्त ।

शांति धरूनी शुद्धबुद्धिचे, जन केले अमित ॥१॥

जिज्ञासूंना आत्मबोध अन्, भक्तांना नाम ।

शास्त्रश्रवण, सहवास देउनी, केले निष्काम ।

कुणास शिक्षा, प्रत्यय, दीक्षा, शिकवियले प्रेम ।

दीनांच्या हाकेस्तव येता, असुनि पूर्णब्रह्म ॥२॥