श्री शंकर महाराजांची आरती

जय श्री शंकर महाराज शिव, धनकवडीवासी ।

दत्तगुरू श्री स्वामिसमर्था, सर्व तूचि होशी ॥धृ॥ समर्था ...

अवतरशी तू अयोनिसंभव, देहवेष घेशी ।

देवभक्तकार्यांच्यासाठी, क्षणी आज येशी ॥१॥ समर्था ...

अज्ञसुज्ञ उद्धरण्या सर्वां, सगुणरूप धरिशी ।

आत्मज्ञाने, गूढ वर्तने, ज्यास तसे देशी ॥२॥ समर्था ...

स्थूलसूक्ष्म दिक्काल लीलया, ओलांडुन जाशी ।

आर्त प्रार्थना दीनजिवांची, राखी पायाशी ॥३॥ समर्था ...