श्री हरिपाठाची आरती

आरती हरिपाठा । झाल्या सोप्या भक्तिवाटा ॥

आरती हरिपाठा ॥धृ॥

सत्तावीस सुमनांची । कल्याणार्थ माळ झाली ।

ज्ञानदेवे कृपा केली । भक्तां नित्यसंध्या झाली ॥१॥

हरिपाठ संकीर्तन । देवकीर्तीचे गायन ।

मुखे हरि उच्चारण । थोर घडते साधन ॥२॥

नाम हाचि दिव्य मार्ग । सुखे घरा येई स्वर्ग ।

द्वैत, भेद होई त्याग । सर्व विष्णुमय जग ॥३॥

जीवनाचे सार वाटिले । गूढ तत्त्व सोपे केले ।

दीन जीव धन्य झाले । हरिनामे उद्धरले ॥४॥